زلمی کی کٹ لانچنگ، ڈیرن سیمی پشاور آئینگے

کھیل

پاکستان سپر لیگ سیزن فور کے لئے پشاور زلمی کی کٹ اور ترانے کی لانچنگ تقریب 4 فروری کو گورنر ہاؤس میں ہوگی، ڈیرن سیمی تقریب میں شرکت کے لئے خصوصی طور پر پاکستان آرہے ہیں۔

چیئرمین پشاور زلمی جاوید آفریدی کا کہنا ہے کہ کٹ اور ترانے کی لانچنگ تقریب 4 فروری کو گورنر ہاؤس پشاور میں ہوگی، جس میں پشاور زلمی کی پوری ٹیم، مینجمنٹ، کوچز اور سپراسٹارز کپتان ڈیرن سیمی، مصباح الحق، مینٹور یونس خان بھی شریک ہوں گے۔

جاوید آفریدی کا کہنا ہے کہ ڈیرن سیمی کا پاکستان آمد پر روایتی انداز میں شاندار استقبال کیا جائے گا۔

چیئرمین پشاور زلمی کا کہنا ہے کہ انشاللہ وہ دن دور نہیں جب پاکستان سپر لیگ کے میچز پشاور میں بھی کھیلے جائیں گے اور پشاور زلمی ہوم گراؤنڈ پر اپنے فینز کے سامنے ان ایکشن ہوگی۔

پشاور زلمی کی انتظامیہ نے تقریب میں لوگوں کو بھی شرکت کا موقع فراہم کیا ہے، جس کے ٹکٹس کی فروخت کل سے شروع ہو گی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے